玩遊輪好易上癮
2013年6月參加 Royal Caribbean 公司嘅 Navigator of the Seas 去東地中海時, http://skybeak.blogspot.hk/2013/06/navigator-of-seas.html 識咗幾位有多年玩遊輪經驗嘅朋友, 佢地力薦另一家船公司 Celebrity, 話係 Royal Caribbean 嘅升級版咁話! 回港後, 便上網睇睇佢究竟有幾好? 點知睇完之後心郁郁, 又再忍唔住手, 籌備另一次的遊輪旅程了。
網上對 Celebrity 嘅評價不錯, 尤其係嗰艘 極致號 Solstice,
更被一位台灣資深旅遊從業員, 圖文並茂, 大讚特讚, 講到好似唔坐佢會好有損失咁款! http://www.midday.co.nz/article.php/4210
香港嘅旅行社真係... 唉!
香港旅行社做 Celebrity 船公司 package 嘅好似唔係咁多, 而且所列嘅資料, 包括日期、 機位、 價錢等等, 好多都係斷估, 到詳細查問時, 佢地就會帶你遊一輪花園, 將原來嘅資料改頭換面, 花你好多時間, 結果就係呢樣要改啲、 嗰樣又要加錢, 真係都幾令人失望!
今次行程由7月份開始籌備, 分別查詢過5家旅行社, 以下兩家係損耗咗較多時間, 而始終都係食白果嘅例子。
|
公司
|
查詢日期
| 落差 | |
| 資料 | 結果 | ||
|
星x luxxworld |
|
l 免手續費簽信用咭
l 簽中銀咭可以再平300元
l 幾次電話確認, 同意了套票的價錢, 飛機航班及郵輪行程
|
l 要手續費
l 取消了
l 最後, 職員突然話要加1680元
|
|
東x 遊 |
|
l 套票定了價錢, 顯示是全直航的套票
l 電話查詢確定有機位, 而且是沒有其他附加費的
|
l 要加330元機票附加費
l 打算買套票時, 職員說沒有什麼附加費, 但又改口話去程已無機位, 要早兩天出發, 所以
l 東x 遊會代訂AUCKLAND兩晚酒店房, 費用由旅客自付
|
咁又唔係間間都咁衰啩!
正所謂, 唔怕貨比貨, 最怕唔識貨, 呢個就係消費嘅最根本法則啦! 其實, 好多人都遇過旅行社講一套做一套, 激到爆炸呢啲咁嘅經驗啦!? 所以籌備旅行, 都係越早越好, 不匆不忙, 有足夠時間去格價, 先可能唔會落入不良手法嘅陷阱... 唉... 香港呢個國際城市真係...
今次最終又係幫襯番 安運旅遊。 http://new.wincastletravel.com/web/ 經驗所得, 安運 無論係網上資料、 宣傳廣告或職員嘅口頭介紹, 全部都係明碼實價。
而安運遊輪部班職員, 又幾專業。 不過好可惜, 喺安運嘅網頁度, 睇唔到有 Solstice 呢一水到紐澳嘅套票, 而其他公司就有喺報紙同網頁度做宣傳, 咁咪查詢吓囉, 點知越問就越唔 happy! 不如都係問翻安運, 睇睇佢地做唔做到相同嘅套票? 結果真係無信錯佢地, 呢間公司實牙實齒, 唔係得個講字!
明碼實價? 梗係好啦!
7月15日, 聯絡上郵輪部嘅
Queenie, 佢話縱然公司網頁無呢水 Solstice 紐澳12晚套票, 但佢一樣可以即時為客人度身訂做, 過咗無耐, 佢就組合到兩款套票喇, 勁!!
(一) 直航套票、 (二) 當然就是價錢較平的轉機套票啦。 Queenie 報價嘅馬航轉機套票, 以入住內艙房計係 10299 元 (未包稅項, 郵輪小費及政府費用)。
服務到位? 梗係好啦!
7月16日, 比較過其他吹水公司啲資料, 覺得安運都幾合理, 便回覆 Queenie 說, 決定購買馬航轉機的套票了, 佢好爽快話全無問題, 而且仲話:
l
昨日已為我地口頭訂好咗船房及機票了, 全部無問題, 只等我地確認。 吓, 真唔真呀? 快成咁?? 咁點解其他公司... 唔係話無機位, 就係話要加錢呢?? 呢次早成6個月籌備旅程, 唔會擔心無船房, 但同啲吹水公司吹得幾吹, 則有啲擔心機票嘅問題? 因為
Solstice 係會由紐西蘭嘅奧克蘭開船, 而回程則會在澳洲嘅悉尼離船, 既然去到悉尼, 當然係會順道在澳洲多停留數天啦, 機票方面係有小小複雜, 所以一定不能出錯!
l
另外, 佢又通知我地話會為我地代辦入境澳洲嘅簽証, 剛好老婆嘅生日, 會喺今次旅程中渡過, 所以公司會免收簽証費作為生日禮物! 坦白講, 簽証費用其實不高, 但呢啲對客人嘅心意, 真係會令人好 NUM, 乜嘢叫做未曾出發先興奮呢? 體會到囉...!
l
同日18:00, 收到 Queenie 電郵過來嘅 Reservation Form, 一切資料, 巨細無遺。 最重要嘅, 就係連船房和機票嘅細節都清清楚楚, 安運能有 Queenie 啲咁高工作效率嘅職員, 除咗係公司嘅財神之外, 更加係客人嘅福氣囉!
素未謀面, 心想事成!
7月18日, 網上銀行過數, 完成後, 便把過數紙電郵給 Queenie。
7月18日, 網上銀行過數, 完成後, 便把過數紙電郵給 Queenie。
7月19日, 收到 Queenie 電郵嘅正式收據了。
前後5日, 幾個電話、 幾封電郵、 唔使走上去安運於尖沙咀嘅遊輪部, 便完成咗一切購買套票手續。
安運講得出嘅, 都真係做得到, 加上職員們快捷嘅辦事效率, 好快就搞掂咗今次遊輪行程重要嘅第一部。 事實上, 直到執筆嘅今日 (12月13日, 坐喺 Solstice 嘅 Oceanview 餐廳裏面, 一面食、 一面寫), 同 Queenie 都係素未謀面, 一切乜嘢手續呀、 機票呀、 全部都係以電話同電郵通傳, 直到船公司發出咗正式登船文件, 先要去最近嗰間安運分行攞, 呢啲咁人性化嘅服務, 好抵讚讚讚讚讚...。
機票船房已於7月中搞掂, 跟住幾個月要搞乜?
今次 Solstice 遊輪航程共12晚, 日期由12月10日在 Auckland 登船, 至12月22日 早上在 Sydney 離船, 然後再在 Sydney 停留三晚後、 乘坐12月25日 晚嘅馬航回港, 以12月9日出發至12月26日 到港計, 前後共18日。 既然船房同機票已喺7月中確認好, 即係話仲有5個月嘅時間, 可以慢慢為這18日嘅旅程搜集資料, 時間好充裕。
自從有咗互聯網之後, 要攞到旅遊資訊可謂輕而易舉, 網上旅遊機構嗰啲介紹網頁極多, 應有盡有! 近年更有好多有心人, 會將佢地嘅旅遊心得放上網, 使其他人可以參考受惠。
1. 船公司嘅 Excursion 仲貴過船房, 點搞?
郵輪旅遊除咗預付嘅船房費、港口費、機場稅、服務小費、 同什麼、什麼、然油附加費之外, 船公司安排嘅岸上觀光 Excursion 都係一條好大嘅數。 以今次嘅 紐澳Excursion 價錢為例, 真係貴到亞媽都唔認得! 一個單項隨時千多港元, 再貴嘅, 甚至可以貴到幾千港元, 如果參加晒全部6至7個項目, 支出除時會比船費更貴! 所以好多有經驗嘅船客, 都會盡量搜羅有關各停泊港口嘅旅遊資料, 去跟船公司安排嗰啲超貴 Excursions 相互比較, 再決定報唔報名參加? 以下為幾種可行的方式:
1.1 唔跟船公司, 有乜好搞?
有啲有經驗嘅船客, 會係網上預訂, 或者到埗後自行參加當地單日旅行團。 旅行團包交通工具、 包導遊、 包膳食、 並會按時將客人送回接駁郵輪的地點。 一般嚟講,
各地區嘅旅行社對於郵輪埋岸日期, 比任何人都清楚, 接收來自世界各地嘅船客, 當然係一筆大生意噃! 其實, 遊輪公司嘅 Excursions, 都係同佢地合作嘅, 若船客直接預訂岸上遊, 減去船公司呢個中間人角色, 價錢當然會平啲啦!
要玩不同嘅景點, 除報團之外, 亦可選擇無咁方便, 但又係最平嘅公共交通工具自由行囉! 所以搜集資料時, 定要對交通工具嘅地點和時間, 掌握得清清楚楚, 如果唔係, 好容易趕唔到上船。 若以今次嘅紐澳旅程為例, Solstice 埋岸嘅港口, 全部都係主要嘅城市同埋旅遊區, 要乘坐公共交通工具到達市中心或其他景點並不太難, 幾時要上岸觀光, 幾時要回船, 完全自由, 只要掌握好時間就唔會有問題喇!
例 A
Solstice
今次其中一個最平嘅 Excursion 係喺塔斯曼尼亞, 名為 Richmond and Tassie Devils 嘅行程 , 全程連車程來回只有4小時, 價錢為80美元, 即614港元, 包括到 Bonorong Wildlife Park 參觀, 及沿途順道經過 Richmond 鎮時在車上觀光。
A1. 跟船公司一模一樣的行程, 在港口都會有當地旅行社嘅職員在推銷。 以 Richmond and Tassie Devils 為例, 價錢只要80澳元, 即560港元, 雖然平到嘅只係幾十港元, 但若以同一比例計, 要參加貴價嘅活動, 慳到嘅就當然會更多囉!
A2. 若自行坐公共交通工具自由行前往又點呢? 來回車費為25澳元、 門票為25澳元、 共50澳元, 即360港元, 雖然不經 Richmond 鎮, 但沿途亦有其他風景可睇, 慳足250港元, 而且又可自由自在按自己嘅活動時間出發, 毋需受船公司的時間限制, 梗係制得過啦!
1.2 又有啲叻人自己包車
好多人鍾意自行包車, 因為可以自選觀光行程, 按個人喜好,
預先與租車公司訂明價錢, 地點時間。上次到地中海旅遊, 遇到幾組船客自行包車, 佢地話自己包車好過癮, 司機哥哥同時又係導遊，不過包車呢家嘢, 一啲都唔平, 如果無番5至7人, 可能會仲貴!
2. 機場到郵輪碼頭?
其實, 郵輪客要面對嘅第一個問題, 就係唔知點樣由機場去郵輪碼頭? 尤其中午或下午先到埗嘅班機, 趕去碼頭嘅船客, 就更加緊張了! 若誤咗時間, 趕不及登船, 成個郵輪旅程就會即時死亡! 一般嚟講,
郵輪公司係會安排旅遊巴士接載船客到碼頭嘅, 呢項交通工具最唔使用腦, 又最安全, 不過就係最貴! 以今次 Solstice 嘅單程車費計, 好似話係每位500港元或以上。 但若途程再遠嘅話, 如由羅馬機場到碼頭為例, 便要接近1000港元了, 咁如果嫌貴, 又或者條氣唔順, 可以點呢?
如果唔介意使錢嘅話, 的士比船公司嘅接駁巴士更可取, 而且價錢唔會比船公司嘅車費貴, 但勝在自由, 毋需要等夠其他船客才開車。
除咗的士之外,機場梗係一定有其他出租Van可租用啦,
價錢同士差不多, 但若同行人數多的話, 出租小巴的價錢會相對較平。
最後, 當然就係最平嘅公共交通工具了, 以今次要登船的城市奧克蘭為例, 機場公車到碼頭其實好方便, 不過因要停不同嘅站上落客, 時間則要長一倍, 而且, 落車後仲要拖住行李, 走幾分鐘先到碼頭, 若時間趕緊, 則有點冒險喇!
3. 預訂酒店
好多郵輪客, 都會喺購買郵輪套票時, 延長機票, 以便可以喺玩郵輪之前或之後, 作陸上自由行。 呢個係最化算嘅遊輪旅行方式, 只要時間配合得到, 總會慳錢過日後再另買機票重遊舊地。 不過, 最好就預先訂好酒店房, 如果唔係, 搞到要拖住重重嘅行李通街走就麻煩囉!? 今時今日, 代訂酒店嘅網站好多, 服務也可靠, 而且網站有好多酒店評語俾人參考, 雖然啲評語唔知有幾可靠? 不過, 睇吓都無妨吖。
睇過網上嘅推介之後, 決定今次要住喺 Sydney 嘅 Meriton Serviced Apartment, 呢間嘢由洗衣機、 乾衣機、 煮食爐、 到刀义碗碟都有, 又喺正旺區, 都唔錯得去邊囉? 上 booking.com 網站, 跟住程序打幾打, 登記埋信用咭, 訂完! 收工!
網上訂酒店還有一個好處, 就係隨時可以免費取消預訂, 通常嚟講, 在入住酒店前的一個星期, 都可以取消, 若無變掛, 到時帶齊文件攞房就搞掂!
睇過網上嘅推介之後, 決定今次要住喺 Sydney 嘅 Meriton Serviced Apartment, 呢間嘢由洗衣機、 乾衣機、 煮食爐、 到刀义碗碟都有, 又喺正旺區, 都唔錯得去邊囉? 上 booking.com 網站, 跟住程序打幾打, 登記埋信用咭, 訂完! 收工!
網上訂酒店還有一個好處, 就係隨時可以免費取消預訂, 通常嚟講, 在入住酒店前的一個星期, 都可以取消, 若無變掛, 到時帶齊文件攞房就搞掂!
差啲唔記得咗?
最後, 但係就最重要嘅, 就係除咗參考旅行社開出嘅郵輪套餐價錢之外, 俾錢之前, 最好先到想參加嘅遊輪公司網頁睇睇。 http://www.celebritycruises.com/home.do 所有嘅郵輪公司都會列出全年, 甚至係超過一年嘅行程同埋船房價錢。 要知道香港旅行社開出嘅套票價錢合唔合理? 船公司嘅房價係一個重要嘅參考指標, 而更、 更、 更重要嘅... 就係郵輪公司嘅房價係海鮮價嚟呀! 不同嘅日子, 價錢差別可以非常之大。
今次 Solstice 紐澳線12晚旅程, 12月10日出發嘅最平房價係999美元, 而此日子之後嘅同級房價, 就會好神奇咁, 調升至1500美元或以上喇! 如果時間許可, 配合到平房價嘅日子出發, 同樣行程、 同樣級別的船房、 慳出嚟嘅費用, 唔使問, 就梗係可以用喺離船之後, 繼續玩落去啦, 正!
今次 Solstice 紐澳線12晚旅程, 12月10日出發嘅最平房價係999美元, 而此日子之後嘅同級房價, 就會好神奇咁, 調升至1500美元或以上喇! 如果時間許可, 配合到平房價嘅日子出發, 同樣行程、 同樣級別的船房、 慳出嚟嘅費用, 唔使問, 就梗係可以用喺離船之後, 繼續玩落去啦, 正!
Solstice 紐澳線12晚行程
|
Date
|
Port/City
|
Activity
|
Arrival
|
Departure
|
|
Day 1
|
Auckland, New Zealand
|
8:00 PM
| ||
|
Day 2
|
Bay Of Islands, New Zealand
|
Tendered
|
7:00 AM
|
6:00 PM
|
|
Day 3
|
Tauranga,new Zealand
|
Docked
|
6:00 AM
|
5:30 PM
|
|
Day 4
|
At Sea
| |||
|
Day 5
|
Wellington, New Zealand
|
Docked
|
8:00 AM
|
6:00 PM
|
|
Day 6
|
Akaroa, New Zealand
|
Tendered
|
8:00 AM
|
6:00 PM
|
|
Day 7
|
Dunedin, New Zealand
|
Docked
|
7:00 AM
|
5:00 PM
|
|
Day 8
|
Dusky Sound
|
Cruising
|
8:00 AM
|
9:00 AM
|
|
Day 8
|
Doubtful Sound
|
Cruising
|
11:30 AM
|
1:00 PM
|
|
Day 8
|
Milford Sound, New Zealand
|
Cruising
|
4:30 PM
|
6:00 PM
|
|
Day 9
|
At Sea
| |||
|
Day 10
|
At Sea
| |||
|
Day 11
|
Hobart, Tasmania
|
Docked
|
8:00 AM
|
6:00 PM
|
|
Day 12
|
At Sea
| |||
|
Day 13
|
Sydney, Australia
|
6:30 AM
|
(各位大哥大姐, 睇完請 click 下面嘅 "沒有留言" , 俾啲意見好喎)
