12月9日 星期一
香港出發
貪平都幾好吖!
今次決定放棄直航而選擇咗馬航轉機, 原因得一個, 就係貪平! 其實全套機票每人都只係平到2千元左右, 不過兩個人加起來就係4千多喇, 慳出來嘅錢, 話多唔多、 話少唔少、 大話怕計數, 已經夠玩完12晚郵輪之後, 用3千銀嚟租住3晚 Sydney 嘅 Meriton Serviced Apartment喇, 剩低1千銀, 點都應該夠喺 Sydney 食到兩餐啩.., 咁又何樂而不為呢?
香港出發
貪平都幾好吖!
今次決定放棄直航而選擇咗馬航轉機, 原因得一個, 就係貪平! 其實全套機票每人都只係平到2千元左右, 不過兩個人加起來就係4千多喇, 慳出來嘅錢, 話多唔多、 話少唔少、 大話怕計數, 已經夠玩完12晚郵輪之後, 用3千銀嚟租住3晚 Sydney 嘅 Meriton Serviced Apartment喇, 剩低1千銀, 點都應該夠喺 Sydney 食到兩餐啩.., 咁又何樂而不為呢?
香港飛吉隆坡要3小時45分, 而由吉隆坡轉飛奧克蘭則要10小時15分, 全部飛行時間共14小時, 比起直航的11小時當然會用多3小時, 而且轉機仲要等3小時, 即一共就要多預6個小時才能到奧克蘭囉! 制唔制得過? 就要睇吓自己覺得時間有幾值錢喇!?
馬航都幾得吖!
馬航準時於14:40起飛, 由香港去吉隆坡用嘅係大機 Air-bus 380, 好舒服, 機艙服務亦幾好, 3個多小時後, 準時到了吉隆坡機場。 由於要等3個小時, 幾歹都要走去 premium lounge 嗰度歎吓先囉! 這幾年以來, 多謝銀行送咗張 VIP 咭, 可以在全球機場嘅候機樓層內, 免費享用 premium lounge 裏面嘅一切設施, 有飲有食、 有電視、 有各地報紙、 又可以上網! 唔鍾意上網嘅話、 可以瞓覺、 甚至可以沖涼添, 真係好正! 如果要等轉機, 舒舒服服咁坐喺裏面, 時間會過得好從容。
轉機時間好準, 登機閘又啱啱喺 premium lounge 隔離, 好方便, 21:50起機, 時間準到你唔信。 不過呢, 呢架接駁去奧克蘭嘅長途機, 就無咁過癮喇! 唔知係咪自己有種族歧視問題呢? 總係覺得第一程機嗰班類似華人嘅機艙服務員好好多..., 而第二程呢班深膚色服務員, 就好似無咁識做嘢咁款! 不過, 根據以往經驗, 相信佢地無論掂樣唔夠專業, 都一定好過鬼佬公司嗰啲長者機艙人員囉! 無得揀就話啫, 有得揀嘅都係亞洲嘅航空公司好啲! 起碼啲飛機餐都會啱香港人多啲啩!
呢架 Boeing 777 真係細架咗啲, 而最差嘅就係座位前面架電視機, 又細、 又無 screen-touch 嘅功能, 用佢嚟睇電影, 唔係好夠清, 如果打機仲弊, 想唔眼花都幾難! 不過諗落都唔會有乜投訴囉, 算吧啦, 半夜三更, 最好都係食完個晚餐之後, 去埋廁所, 專心瞓覺好過喎, 就算俾多啲錢坐直航, 你估國泰或者維珍又一定會用大機咩?
(各位大哥大姐, 睇完請 click 下面嘅 "沒有留言" , 俾啲意見好喎!)
轉機時間好準, 登機閘又啱啱喺 premium lounge 隔離, 好方便, 21:50起機, 時間準到你唔信。 不過呢, 呢架接駁去奧克蘭嘅長途機, 就無咁過癮喇! 唔知係咪自己有種族歧視問題呢? 總係覺得第一程機嗰班類似華人嘅機艙服務員好好多..., 而第二程呢班深膚色服務員, 就好似無咁識做嘢咁款! 不過, 根據以往經驗, 相信佢地無論掂樣唔夠專業, 都一定好過鬼佬公司嗰啲長者機艙人員囉! 無得揀就話啫, 有得揀嘅都係亞洲嘅航空公司好啲! 起碼啲飛機餐都會啱香港人多啲啩!
呢架 Boeing 777 真係細架咗啲, 而最差嘅就係座位前面架電視機, 又細、 又無 screen-touch 嘅功能, 用佢嚟睇電影, 唔係好夠清, 如果打機仲弊, 想唔眼花都幾難! 不過諗落都唔會有乜投訴囉, 算吧啦, 半夜三更, 最好都係食完個晚餐之後, 去埋廁所, 專心瞓覺好過喎, 就算俾多啲錢坐直航, 你估國泰或者維珍又一定會用大機咩?
(各位大哥大姐, 睇完請 click 下面嘅 "沒有留言" , 俾啲意見好喎!)
