去羅馬競技場
建築奇蹟
競技場周圍都是人, 由於不打算進入裏面參觀, 所以無須排隊買票。 走在外圍, 看到一個圓筒形的古老建築物, 好明顯是由好多好多的大石砌建而成的。 究竟在第一世紀時, 羅馬人是如何把大石頭, 一塊一塊的砌上去呢? 真係好耐人尋味? 
這座已有二千年的建築傑作, 見証了羅馬的興衰, 於2007年更被評定為世界七大奇蹟之一。 好多人都知道, 這裏曾經有好多可憐的人, 死於野獸的口中, 也有傳聞話, 當時的羅馬還未成為基督教國家, 所以好多基督徒被人活捉來這裏與野獸搏鬥至死, 不過, 傳聞歸傳聞, 這方面的資料, 好像到現在還未有找到。 事實上, 人獸鬥這種殘忍的活動, 在主後523年已經被完全禁止了。 地面盡失, 透視地庫
競技場有好多入口, 而上層則有好多類似窗戶的通風口, 從入口望進去, 可以見到本來的地板已完全失踪了, 地平線下面, 原來是一地庫, 分有不同的大小房間, 就算購票入內, 也只可以在周邊的後蓋地板上走動, 而競技場的廣場區域, 因沒有地板可以行走, 是不可以進入的。 競技場的巨大石牆, 共有四層高, 第一二層尚算完整, 
第三至第四層, 則有差不多一半已不知所踪。
就算是第一和第二層, 亦可看到有一小部份是較新的, 相信是後來修補上去的吧。
人為破壞, 千瘡百孔
據聞, 在人獸鬥被禁止了以後, 大部份的年日, 競技場都是荒廢的, 日久失修, 想唔殘破都幾難。 另一方面, 又因為羅馬成為了天主教國家之後, 教廷便大興土木, 興建教堂, 為了提取材料, 便把競技場的大石拆走, 現今的四大座堂, 包括最大的聖彼得大教堂, 分分鐘都有用上競技場的石塊, 拆毁競技場來起教堂, 擺明係唔識保育啦! 但佢將一個唔多使用嘅建築的材料, 循環再用, 又好似有啲環保喎! 熟對熟錯, 就由專家判斷好了! 不過, 經過二千年的洗刧, 競技場仍能殘留於世, 供人參觀研究, 也算是一個奇蹟了, 若留意觀察外牆, 一定會發現到, 它確曾受到好嚴重的破壞, 
在所有的大石塊的表面, 都有奇怪圓孔, 原來這些不同的圓孔, 本來是有鐵扣把石塊互相扣固的, 若要取用石塊, 當然要先把鐵扣拆走, 而且, 鐵扣本身也是好重要的原材料, 所以話, 競技場之能幸存, 真係執到了!
君士坦丁凱旋
這個熱鬧的旅遊點, 有小販, 也有人打扮成古羅馬武士, 讓遊人拍照, 不過拍照當然是要收費的囉! 除了這些商業活動之外, 也可在附近看到另外一個古蹟, 那就是君士坦丁的凱旋門了, 這位君士坦丁皇帝便是將羅馬於一夜之間, 變成基督教國家的千古奇人; 真係世事常變, 幾百年來, 羅馬帝國除了釘死耶穌之外, 亦不斷追捕基督徒, 誰會估到, 耶穌死後三百多年, 會有個咁嘅皇帝呢!? 參觀過法國的凱旋門的人, 一定會說這裏的凱旋門跟法國的很相似, 原來法國人是參照這個全球第一座的凱旋門建造的。 羅馬古城
離開了競技場, 便到山邊的羅馬古城看看, 但行了一大段路還是找不到入口, 唯有在圍欄外, 遠距離望望吧, 由今早出發至今, 已經好攰, 剛巧發覺路邊有一座小教堂, 最宜入內休息. 在羅馬的這三天, 已經迷上羅馬的教堂, 原因之一, 當然是因為不論教堂大小, 裏面都裝修得好靚, 好養眼, 但更重要的是, 羅馬大部份的教堂, 都是隨時歡迎遊人參觀的, 走累了… 美麗又清涼的教堂不就是最理想的小休站嗎? 地圖上消失了的小教堂
對遊客來說, 坐在周圍滿佈藝術品的教堂內休息, 比起那些氣派的酒店大堂更舒服, 又多嘢睇, 好正! 進了小教堂, 便立即坐下, 把地圖翻閱了好多次, 始終找不到這所教堂的踪影, 不管了, 安心休息和欣賞吧! 當時有一位肥胖的年老男子, 不停地把燭台上的蠟燭取下, 並放入一個小袋子內, 轉眼間, 便失去踪影了, 羅馬的窮人真係…教堂傳統, 生養死葬
坐夠了, 瀏覽教堂吧, 教堂從頭到腳都好精緻, 兩邊的石柱, 聖壇的穹頂, 風格跟拉特朗大殿和聖彼得大殿都好相似, 走到聖壇前, 發覺側面有一條樓梯通往地牢, 但不知下面有什麼? 更不知道遊客應不應該到下面參觀,? 猶疑之際, 剛才的蠟燭老人突然從下面走上來, 見我們站在樓梯旁, 便很友善以手勢示意, 叫我們到地牢參觀, 唉! 怪錯好人了, 原來他是教堂的工作人員。 地牢下面是一個迷你的小堂, 當時沒有任何人, 且光線好暗, 但在正中處較光, 光線直射一個玻璃箱, 噢, 賣吉! 大吉利是, 箱內的原來是一具穿著整齊主教服的遺體, 雖然好多教堂都放有石棺, 但玻璃的… 則不多。 突然之間, 在地上的暗處, 忽然有一黑影彈出! 真係嚇死人無命賠, 原來有條友仔, 剛剛蹲在暗處拍照, 見到我們有點尷尬, 提著相機便怱怱走了, 真不知他在搞什麼(鬼), 瞻仰遺容房都要影, 願主教安息, 阿們!
唔順路的許願泉
要到下一個景點了, 這個景點其實唔多想去, 因為它不是在地鐵沿線. 從 競技場 “Colosseum” 站到最近的 Barberini 站要五個站, 但來到羅馬, 又點可能唔去許願泉 “Fontana di Trevi” 看一看呢?
迷信得嚟夠浪漫, 吹咩!
到Barberini 了, 出了站, 跟著地圖走, 街道又短又曲, 好易迷失方向。 終於去到附近的街道了, 但還是找不到這個噴泉, 只見到處都是商店和咖啡室, 周圍好多人, 放棄看地圖了, 跟著遊人到處走, 發現到一個水池了! 
.JPG)
許願泉前面坐滿了人, 他們都是在欣賞這個漂亮而又浪漫的藝術品, 當然也見到好多人, 尤其是女士, 背向水池, 把錢幣抛入水裏. 點解要背著來抛呢? 真係不得而知, 但係又有人話, 若要許願, 得要抛錢幣三次, 而其中一個願望, 一定要係重回許願池咁話… 真係有趣, 這種傳統, 擺明係當地商人的詭計, 你抛三次, 即許願池收錢三次, 而你許願要回來, 即係話, 商舖生意唔休做, 再講, 自己發願話要回來, 若唔去履行, 唔多 「老禮」, 若另兩個願望落空, 都唔敢怪人了。 信心呢樣嘢, 就係咁嘅一回事, 我地廣東人啲兒歌都有唱：「燒衣唔撒錢, 今晚俾鬼鏈!」 問你怕未? 點解要咁唱呢? 因為你在燒衣時, 圍觀啲細路就一路唱, 他們不是神心, 而是想在你走咗之後, 執走啲錢幣, 信心? 善心? 自己定斷好了!教皇信什麼?
噴泉是有三層的, 水池是最低的一層, 而對上兩層, 就好似小瀑布, 水由水池抽到頂層, 經中層, 流回水池, 不住循環, 好有動感, 以現代人的眼光來看, 算不得什麼, 但幾百年前, 一定係好神奇。 講到神奇, 不能不提噴泉的石雕, 主要在中心點的, 是海神, 另外也有兩側的健康女神, 全部都雕刻得好生動。 這些石雕, 全都是羅馬神話中的角色, 但究竟點解天主教啲教皇, 會命人用咁多錢去
建造以異邦神祇做主體的噴泉呢? 而且噴泉於幾百年來, 曾由不同的教皇, 復修過多次, 主題不變, 都係外邦神話, 同埋後面嗰幅有大圓柱的波利宮殿 “Palazzo Poli”? 揾次來個伊甸園噴泉唔得咩??? 諸如種種的宗教疑問, 在今次遊羅馬期間, 時常都會出現, 睇嚟好多教皇, 已當自己係歐洲君主, 多過係宗教領袖!?
感慨香港! 感慨中國!
.JPG)
坐了很久, 欣賞著噴泉的美態和遊人的歡愉, 是一種享受。 身處異鄉, 與紅鬚綠眼共坐一堂, 突然有點感慨, 今次歐遊前, 好多朋友同我講, 去歐洲好! 好過返大陸見到咁多强國人! 嘿! 什麼是强國人呢? 這不是對自己國家和同胞最大的嘲諷嗎? 身邊的紅鬚綠眼, 不是也有人伸腳, 鬆掙去霸佔別人的座位嗎? 亦有人高聲大笑! 也有人不管別人在水池邊拍照, 硬要站靠在旁, 話之你死等等… 我們中國人天生有著奴性, 外國人做的, 不敢批評還要帶著自卑, 但若畫面一轉, 水池周圍的老外變成了中國人, 當晚的社交網站, 定會有好多香港人的發文, 對中國人評撃至有你無我, 唉, 香港好多人無知自大, 真係好可憐! 滿溢餐廳使人滿溢
肚餓了, 今晚決定到另一家餐廳食嘢。 好快便坐地鐵回到 Vittorio Emanuele 站了, 今次不往Buonarroti 方向走, 到別處街道看看有無新發現。 不久, 便看到另一家叫 滿溢餐廳 的中菜館, 不妨一試! 餐廳佈置講究, 食客好多, 好彩近門口還有一張小枱, 點了幾道小菜, 非常美味, 比 藍河餐廳更巧手, 就算以香港的餐飲水準來比, 它都是亳不遜色的, 搵到間咁正嘅中餐館, 真係有食神, 埋單兩人約400港元, 心滿意足!
(各位大哥大姐, 睇完請 click 下面嘅 "沒有留言" , 俾啲意見好喎! )
